🔋 સોલાર કનેકશનમાં ઈમ્પોર્ટ અને એક્સપોર્ટ રીડિંગ કઈ રીતે ચેક કરવા? | Solar Meter Reading Check | Import Export Reading Check

Solar Meter Reading Check – ગુજરાતમાં અત્યારે લાખો ઘરોમાં સોલાર રૂફટોપ સિસ્ટમ લાગી રહી છે. સોલાર લગાવ્યા પછી વીજ કંપની દ્વારા તમારા ઘરે Bi-directional Meter (નેટ મીટર) લગાવવામાં આવે છે. આ મીટરમાં ઘણા બધા આંકડા આવતા હોય છે, જેના કારણે સામાન્ય માણસ માટે ઇમ્પોર્ટ અને એક્સપોર્ટ યુનિટ સમજવા અઘરા પડે છે.

આજે આપણે આ બ્લોગમાં સ્ટેપ-બાય-સ્ટેપ સમજીશું કે Solar Meter Reading Check કેવી રીતે કરવું.

સોલાર મીટરમાં કયા કયા રીડિંગ આવે છે? |

સોલાર Bi-directional Meter (નેટ મીટર) મુખ્યત્વે આ ત્રણ વસ્તુઓ સમજવી જરૂરી છે:

1. ઇમ્પોર્ટ (Import Reading): તમે વીજ કંપની (જેમ કે PGVCL, DGVCL) પાસેથી જે વીજળી વાપરી છે તે યુનિટ.
2. એક્સપોર્ટ (Export Reading): સોલાર દ્વારા જે વીજળી ઉત્પન્ન થઈ અને વધારાના યુનીટ ગ્રીડમાં જાય તે યુનિટ.
3. નેટ યુનિટ (Net Units): ઇમ્પોર્ટ માંથી એક્સપોર્ટ બાદ કર્યા પછી જે યુનિટ વધે તે.

મીટરમાં રીડિંગ ચેક કરવાની રીત | Solar Meter Reading Check

સોલાર મીટરના ડિસ્પ્લે પર રીડિંગ જોવા માટે નીચે મુજબના કોડ ચેક કરો:

૧. ઇમ્પોર્ટ રીડિંગ (Import – Imp)

મીટરના ડિસ્પ્લે પર જ્યાં “Imp” અથવા “Import” લખેલું આવે અથવા ડાબી બાજુ એરો આવે છે અને સાથે kWh લખેલું હોય અથવા, તે તમારા ઇમ્પોર્ટ યુનિટ છે. આ યુનિટનો મતલબ છે કે રાત્રિ દરમિયાન અથવા સોલાર ન ચાલતો હોય ત્યારે તમે ગ્રીડમાંથી કેટલી વીજળી લીધી.

નીચે તમે જોઈ શકો છો કે મીટરમાં ઈમ્પોર્ટ રીડીંગ કઈ રીતે દેખાય છે.

૨. એક્સપોર્ટ રીડિંગ (Export – Exp)

મીટરના ડિસ્પ્લે પર જ્યાં “Exp” અથવા “Export” લખેલું આવે અથવા જમણી બાજુ એરો આવે છે સાથે kWh લખેલું આવે, ત્યારે તે આંકડો એક્સપોર્ટ યુનિટ દર્શાવે છે. આ તમારી બચત છે જે તમે સરકારને આપી છે.

૩. નેટ રીડિંગ (Net Reading)

નેટ યુનીટ એટલે ઇમ્પોર્ટ – એક્સપોર્ટ કરશો એટલે તમારા નેટ યુનીટ આવી જશે. ઘણા સ્માર્ટ મીટરમાં સીધું “Net” રીડિંગ પણ બતાવે છે.

• જો ઇમ્પોર્ટ > એક્સપોર્ટ હોય, તો તમારે બાકીના યુનિટનું બિલ ભરવાનું રહેશે.
• જો એક્સપોર્ટ > ઇમ્પોર્ટ હોય, તો તમારા યુનિટ જમા (Credit) થશે.

સોલાર મીટરમાં રીડિંગ ચેક કરવા માટેનો વીડિઓ જુઓ | Import Export Reading Check

ધ્યાનમાં રાખવા જેવી બાબતો

• સોલાર જનરેશન: યાદ રાખો કે એક્સપોર્ટ રીડિંગ એ તમારું કુલ સોલાર જનરેશન નથી. કુલ જનરેશન જોવા માટે તમારે તમારા સોલાર ઇન્વર્ટરનું રીડિંગ જોવું પડશે.
• દર મહિને નોંધ રાખો: દર મહિનાની ૧ તારીખે તમારા ઇમ્પોર્ટ અને એક્સપોર્ટ રીડિંગની નોંધ ડાયરીમાં રાખો જેથી બિલમાં કોઈ ભૂલ હોય તો તરત ખબર પડે.

નોંધ: જો તમારા મીટરમાં રીડિંગ બતાવતું ન હોય અથવા મીટર બંધ હોય, તો તરત જ નજીકની વીજ કચેરીનો સંપર્ક કરવો જોઈએ.

શું તમારે તમારા સોલાર બિલની ગણતરી કેવી રીતે કરવી તેની વિગતવાર માહિતી જોઈએ છે? તો નીચે કોમેન્ટમાં જરૂર જણાવશો!

અન્ય પોસ્ટ:

ઘર કનેકશનમાં નામ બદલી માટેનું સંમતી પત્ર ડાઉનલોડ કરો

લાઈટ બીલમાં સ્પેલિંગ સુધારવા માટેનું ફોર્મ

લાઈટ બીલમાં અટક ઉમેરવા માટેનું ફોર્મ ડાઉનલોડ કરો